Paseamos por Parada do Sil e polo mosteiro de Santa Cristina. Ademáis da beleza da zona, asombrounos o artista local, un señor maior do que non sabemos o nome, que fai esculturas nas propias árbores, ou aproveitando material de desfeito, como o belén que nos ensinou un dos paisanos. Despois xantamos na casa rural Reitoral de Chandrexa, coas viandas que trouxemos de casa; como sempre, abundancia, variedade e todo moi rico. Eramos moit@s e parecía unha festa. Acolléronnos moi ben, a casa preciosa, un bo lugar para pasar uns días. A continuación fumos coñecer en A Teixeira a casa que acaban de mercar Carmen e Manolo, quedamos impresionados coa adega, ¡nunca vimos tal cousa!, cunha altura de mais de 9 ms, tamén moi bonita a finca e a vista. Ainda seguimos a ver mais cousas, de aquí fumos a Cristosende a visitar a unha artesana dos teares (inglesa?) e a un artesán de cestería (catalán), con productos de moita calidade e cunha formación moi sólida. A partir de aquí, uns marcharon cara aos seus fogares e outros quedamos a durmir no albergue de Tronceda, onde tivemos a oportunidade de ver (e fotografiar) a eclipse de lúa. Ao día seguinte voltamos á zona de A Teixeira para visitar a Alex e Llydia, que levan a cabo actividades agrícola-gandeiras e fan mermelada. Fumos xantar todos xuntos e..., despedida ata outra. Felicidades Carmen e Manolo polo ben que organizastes todo.